Хөгжлийн бэрхшээлтэй хүүхдийн хөгжлийг үнэлэх үнэлгээний аргачлалуудыг тодорхойлох, суурь судалгаа хийх, судалгаанд үндэслэн үнэлгээний аргачлалуудын тохирц, найдвартай байдлыг тодорхойлох, шинжлэх ухааны үндэслэлтэй үнэлгээний сан бүрдүүлэх зорилгоор “ХҮҮХДИЙН ХӨГЖЛИЙН ҮНЭЛГЭЭНИЙ ТАЛААРХ МЭДЭЭЛЭЛ СОЛИЛЦОХ УУЛЗАЛТ” 2025 оны 06 дугаар сарын 26-ны өдөр Хөгжлийн бэрхшээлтэй хүний хөгжлийн ерөнхий газар зохион байгуулагдлаа.

Энэхүү уулзалтад Хөгжлийн бэрхшээлтэй хүүхдийн хөгжлийн үнэлгээний бусад улс орны туршлагын талаар JICA ОУБ-ын сайн дурын ажилтан, МУБИС-ийн зочин багш Хироми Такай, манай улсад хэрэглэгдэж буй хүүхдийн хөгжлийн үнэлгээний талаарх мэдээллүүдийг Хөгжлийн бэрхшээлтэй хүүхдийн сэргээн засах хөгжлийн төв болон бусад дэмжих төвүүд тус тус танилцуулж, МУБИС-ийн Боловсрол судлалын сургуулийн Тусгай хэрэгцээт боловсролын тэнхим, Нийгмийн ажлын тэнхим, Боловсролын судлалын хүрээлэн, АШУҮИС-СС-ийн ББСТэнхим, АШУҮИС-СС-ийн ББСТэнхим, Боловсролын ерөнхий газар, Хөгжлийн бэрхшээлтэй хүүхдийн сэргээн засах хөгжлийн төв, Дэмжих төвийн үйлчилгээ үзүүлж буй Аутизмд хийсэн аялал, Ээлтэй ертөнц, Эрхэм нандин сувд, Энх гэр бүл, Энэрэлийн түүчээ, Реха сентер зэрэг төрийн болон төрийн бус байгууллагуудын төлөөлөл нийт 25 ажилтан, албан хаагчид оролцлоо.

Уулзалтаар хөгжлийн дэмжлэг зайлшгүй шаардлагатай хүүхдэд үйлчилгээ үзүүлдэг Хөгжлийн бэрхшээлтэй хүүхдийн сэргээн засах хөгжлийн төв болон бусад дэмжих төвүүдэд ашиглаж буй үнэлгээний зарим аргачлалуудыг сайжруулах, тохирц, найдвартай байдлыг тодорхойлох, тохирц, найдвартай байдлыг тодорхойлсон аргачлалуудыг цаашид турших, түгээн дэлгэрүүлэх, олон улсад хүлээн зөвшөөрөгдсөн шинэ арга, аргачлал нэвтрүүлэх зэрэг асуудлуудыг шат дараалалтайгаар шийдвэрлэхээр боллоо.